رفاعيه اداريه
عدد الرسائل : 426 تاريخ التسجيل : 07/03/2008
| موضوع: قصيده للشاعر حمد السعيد** الأربعاء مارس 19, 2008 5:05 pm | |
|
احبتي
هالمره جبتلكم قصيده للشاعر حمد السعيد انشالله تعجبكم......
كنـت الـوم اللـي يضيـق الـغـاب خـلـه لين جربت المحبـه والفـراق وقلـت توبـه لعنبو جـد المفـارق فيـه هـم وفيـه ذلـه أثر كل الحـب لـذه والفـراق أكبـر عيوبـه أمس فارقت الغـلا ومفـارق الخـلان علّـه والعلاج الوصل لا تبلـش طبيـب ولا حبوبـه الزعل هو سبـة الفرقـا يهـز الحـب كلـه ليتني طولـت بالـي قبـل لا يعلـن غروبـه واهني اللي وسيع الصدر صدره وسـع فلّـه غلطة الصاحب تجي وتروح ما هي بمحسوبـه سامـح الله طبعـي اللـي للتغيـر يـا لعلـه قاظب خلك عزيز ولين صـارت لـي عقوبـه ليش تحسب غلطة الصاحب على الصاحب مذله ليش ما تحسب ميانه لو تجي عشريـن نوبـه لا وربي كنت احبـه حيـل مـا دورت زلـه لا تشكك في غلاه ولا تساعـد فـي هروبـه لايمـي قبلـك تعبـت الـوم شعـار المجلـه وكنت مؤمن في مقولة اعذب الشعر الكذوبـه واثر كل فـي حياتـه لـه تجـارب مستقلـه وانت لا تشره على مثلي وتبلى لـك بحوبـه كان جابتـك الحميـا روح لـه تكفـى وقلـه لايخلينـي واذا وده يخفـف مــن ذنـوبـه يستخير وله غـلا قلـب صـدوق مـا يملـه فدوة له كل قلبـي مـن شمالـه لـي جنوبـه يوم قفا والخفوق يفـوح عقبـه فـوح دلـه وسط رقدة واحد عز الشتـا والسهـر دوبـه لا تقهوى بـارده مـن بـرد فنجانـه وزلـه ثم قربها على جال الجمـر وارهـى شبوبـه وين يدله هالخفـوق وكـل مـا يدلـه يتلـه طاري اللي يا كثر ما اتعبت رجلي في دروبـه لا طرى جريـت ونـة مـن بـلاده مستحلـه مثل ما راحت بلادي مـع شعـارات العروبـه كل هاجوس يجيبه جعـل شعـري فـدوة لـه وا عذابي كل ما جابـت لـي الجبلـه هبوبـه مشغل قلبـي بحبـه دون خلـق الله مـن الله هيه ياللي ممتلكني حسن واسلـوب وعذوبـه ما سمعت ان الخوي له بالخوي تسعين زلـه وانت طوف زلتي يـا عـل تفـداك اللعوبـه صاحبي سيف الهجر لا صرت تقدر لا تسلـه ما تظن ان العفو عند المقدره اكبـر عقوبـه ايه انا اللي كنت الوم اللي يضيق ان غاب خله بس جربت المحبـه والفـراق وقلـت توبـه
اتمنى ان تعجبكــــــــــــــــــــــم انتظر الردود...
| |
|
يسوف بشير مدير المنتدى
عدد الرسائل : 96 العمر : 31 تاريخ التسجيل : 03/03/2008
| موضوع: رد: قصيده للشاعر حمد السعيد** الإثنين أبريل 14, 2008 8:23 am | |
| مشكوره عالموضوع الجميل
وعساح عالقوه | |
|
العميد المشرف العام
عدد الرسائل : 139 تاريخ التسجيل : 15/03/2008
| موضوع: رد: قصيده للشاعر حمد السعيد** الجمعة أبريل 25, 2008 1:32 pm | |
| قصيده واااايد حلوه مشكوووره على الأختيار الروعه والله ذكرتينا بشاعر المليون | |
|
رفاعيه اداريه
عدد الرسائل : 426 تاريخ التسجيل : 07/03/2008
| موضوع: رد: قصيده للشاعر حمد السعيد** الخميس مايو 01, 2008 8:33 pm | |
| يسوف بشير
مشكور على المرور | |
|
رفاعيه اداريه
عدد الرسائل : 426 تاريخ التسجيل : 07/03/2008
| موضوع: رد: قصيده للشاعر حمد السعيد** الخميس مايو 01, 2008 8:33 pm | |
| الاحلى مرورك يالغلا
منور صفحتي | |
|